Það er aldeilis fróðlegt að fylgjast með þeirri orrahríð sem upphafin hefur verið vegna komu klámhundanna.

Sumir lýsa því blákalt yfir að fólkið sé hingað komið gagngert til að framleiða klám.  

Það sem fram kemur víðar og þykir sennilegra er að hér sé um að ræða dreifingaraðila kláms á netinu en sumir þeirra eru einnig framleiðendur.  

Ráðstefnuhaldið er með öllu löglegt rétt eins og hvert annað viðskiptaþing.   Enda blómlegur business þetta og eftirspurnin gríðarleg.

Hitt er annað mál að siðleysi fólks og umburðalyndi gagnvart klámi, ofbeldi og öðrum ósóma er gengdarlaust orðið og mál að linni.     

Ef klámhyskinu verður úthýst er rétt að fylgja þeirri aðför eftir með fullkomnu banni á öllu klámi á Íslandi.     Lögin eru skýr en þeim er ekki fylgt eftir.     Sennilega þar sem fæstir eru svo heilagir að aldrei hafi nokkru sinni hnotið um nekt á lífsleiðinni.     Sér í lagi á netinu þar sem upplýsingaveitur veita greiðan aðgang að mjög hispurslausu myndefni. 

Það er löngu orðið tímabært að fólk vakni til vitundar um þann veruleika sem við lifum í.  Hvar viljum við setja mörkin?

	Hörð mótmæli vegna klámþings
Ábyrgðarmaður færslu Tilkynna um óviðeigandi tengingu við frétt