Til fyrirmyndar

 Listin getur líka verið fyndin.

Listfræðingar pissa upp í vindinn

 Nú er algeng orðin fyrirmyndin

Þótt Duchamp sjálfum líkaði aldrei, Lindin

Skilorðsbundinn dómur fyrir að skemma fræga hlandskál

Til hamingju Ísland

Nú hafa ræningjarnir 3 fengið uppreisn æru líkt og hringadrottnararnir.    Soffia bauð uppá ódæðið.   henni var nær að vera svona myndarleg við húsverkin.   

Það er synd að dómstólarnir skulu endalaust geta urðað yfir lögregluna og vinnubrögð hennar.    Hvernig má það vera þegar allt kemur til alls þá má alltaf vísa málum frá vegna mistaka við rannsókn og uppsetningu málanna?

Ég er ekki að lýsa yfir ánægju með raunir sakborninga sem ég veit að hafa reynt mjög á þá og þeirra nánustu.    Ég óska þeim til hamingju með ábyrgðarleysi sitt í málinu.    Ég veit að þeir hafa tekið út sína refsingu og munu ekki láta hanka sig á svona "tæknilegum mistökum" aftur. 

 

Máli gegn olíuforstjórum vísað frá

Sjaldan launar kálfurinn ofeldið

Það var algert grís að Sigurður skyldi slysast í álnir fyrir tilstilli gjaldmiðils sem hann kann ekki að meta.    Nú er hann búinn að spara svo mikið að hann er tilbúinn að kasta krónunni.   Spila á hana eins og gítarstreng og síðan ekki söguna meir.

Hér er mikill fjármála-pái á ferð og því rétt að hlusta.    Maðurinn er jú snillingur og virði þyngdar sinnar í einhverjum sjaldgæfum góðmálmi.   

Spurningin er hvort að hann sé ábyrgur gerða sinna?    Olíubarónarnir 3 fagna ábyrgðarleysi sínu í dag og við óskum þeim til hamingju með það.       Nú er fallið fordæmi í undirrétti.    Samkvæmt þvi er hugsanlega hægt að hugleiða eftirfarandi:        Eru starfsmenn almennt ekki ábyrgir gerða sinna eða ákvarðana?     Er höfundarétturinn bara fyrir hendi ef maður fer fram á hann?     Getur maður sagt og gert það sem manni sýnist án þess að þurfa nokkurn tíma að svara fyrir það?      Er allt leyfilegt ef maður kemst upp með það?     

Það eru margar hliðar á öllum málum og ég vona að þessir ágætu herrar þurfi ekki að þola frekara rask á sínum högum eða heilsu.       Ég get ekki ímyndað mér að það sé nokkrum hollt að þola langar vitnaleiðslur eða ákærur.       

Ef til vill ættum við að hugleiða hvernig og hvort við viljum hafa tvöfalt siðgæði í landinu, þar sem kærur og illindi ganga á víxl.     Eða hvort að við viljum njóta þess að vera íslendingar og lifa í sátt og samlyndi á sömu forsendum og forverar okkar og forfeður gerðu þegar grundvöllur var lagður að því samfélagi sem við njótum ávaxtanna af í dag.    Okkur skortir jú ekki neitt.    Munurinn felst í því að sumir eiga meira en aðrir en hvergi í heiminum eiga jafn margir jafn margt.    Það eiga allir kost á einhverju, þótt gæðum sé misskipt.   Þannig verður það bara alltaf.  

Þó að einn sé ríkur þýðir það ekki að allir sem eiga minna séu fátækir.    Við þurfum að fara að hugsa á heimsvísu og hætta heimskunni. 

Íslendingar, fremstir meðal jafningja.    

Segir íslensku krónuna munu hverfa með tímanum

milljarður eða meira

Hvað bindur hektari af skóglendi mikinn koltvísýring?    Hvað með graslendi og annan gróður eða þörunga?  

Er hægt að nýta gersveppi til að vinna aftur á bak úr CO2 og alkoholi til að fá fram upphafsafurðirnar, sykur og O2?       Er hægt að þjappa gasinu svo mikið saman með hvata þannig að úr verði sömu afurðir?      Hvað með silfurberg er það ekki CaCO3?   

Hvað er hægt að fá mikið fyrir að losa ekki tonn af CO2?     Hvers virði er framtíð okkar allra ef tonnið er metið á 25 milljónir US dollara?   

Richard Branson heitir peningaverðlaunum þeim sem stöðvar gróðurhúsaáhrif

Takið ykkur stöðu

14,25%

Davíð lofar engu um vaxtamálin

Takið ykkur stöðu...

Nú taka menn stöðu með krónunni.     Það þýðir að þeir veðja á að krónan styrkist.   Verði svo hagnast þeir.    Hvað hefur krónan verið að gera?    Jú styrkjast.     Kaupendahópurinn er að stærstum hluta erlendir kaupahéðnar.    Söluvaran.    Óverðtryggð ríkisskuldabréf.  Hver selur.   Bankarnir.   Umboðslaunin???   Áhætta bankanna, líklega í lámarki, algjöru.   

Síðan er svo skemmtilegt þegar kemur að því að krónan lækkar aftur.    Þá taka menn stöðu á móti krónunni og græða í hina áttina.    Snilld.   

Hver er að ávaxta peningana?    Jú, þið ágætu skuldarar.    Eftirspurn ykkar eftir okurlánum gerir ykkur eftirsóknarverð til ávöxtunar.     Þið eruð mjólkurkýr bankanna og þeir eiga ykkur með húð og hári.   

Hver stýrir genginu?     Sumir vilja meina að seðlabankinn geri það.      Sannleikurinn er þó sá að kaupahéðnar eru um margt eins og síldin.    Óútreiknanleg og umfram allt heldur hún hópinn.    Ef Styggð sækur að einum er líklegt að hinir fylgi í kjölfarið með tilheyrandi hruni krónunnar.    Þetta gerðist hér fyrir ári eftir leiðinda umfjöllun frá Danmörku.     Þá tóku bankarnir stöðu á móti krónunni, verðtryggingin hækkaði á lánunum og tryggði þannig fyrir hugsanlegu gengistapi.    

Nú þegar krónan styrkist, eruð þið að sjá öndverð áhrif verðtryggingarinnar?    Sennilega ekki, því að verðbólgan heldur ykkur við efnið.     Allt hækkaði og allir þessir manngerðu stýriþættir hagkerfisins eru til þess eins að halda ykkur í helgreipum, kæru skuldarar.       Bankinn tapar aldrei.    Íslenskt hagkerfi er gullnáma þeirra sem eiga óheftan aðgang að fjárhirslunum.     

Þetta hefur ekkert með snilld að gera.    Þetta er einfaldlega lítið hagkerfi og óvarið.   Gjaldið sem við greiðum fyrir eigin efnahagsstjórn og gjaldmiðil er dýrt og allt fer það í vasa útvalinna.     Peningarnir eru allir teknir að láni og engin raunveruleg verðmætasköpun.  

Í stuttu máli:  Fjármagn kemur inn í landið, umbreytist í krónur til ávöxtunar.    Fjármagnið kemst í umferð og þið bruðlið meðan byrgðir endast.    Síðan innleysa þeir gróðann og þá kárnar gamanið.   En þeir koma aftur.    Þetta er einfaldlega of freistandi til að láta það vera.     Spilafíkn.

Það er ekkert nýtt undir sólinni.   

Útlitið ...

Alveg er ég sammála Davíð sem ég met mikils þó ég hafi engar mætur á Sjálfstæðishjörðinni.   Það er íslenska krónan sem unnið hefur hvað ötulast að methagnaði bankanna ár eftir ár.    Það er íslenska hagkerfið sem þeir leika sér að eins og köttur að mús.    Það er ekki fyrir það að Davíð sé illa gefinn að hlutirnir séu eins og þeir eru.  Síður en svo.   En mér finnst karlinn líta þreytulega út og útlit fyrir að álagið á honum sé of mikið.    Þetta er einn merkasti stjórnmálamaður sögunnar og sennilega einn merkasti samtímamaður okkar og mér þykir vænt um hann.  

Einar Ben orðaði tilfinningar mínar betur en ég get sjálfur.

"Ég mat ekki ljóðglapans lága hnjóð sem laklega hermdi hvað aðrir kváðu,

né þrælafylgið við fjöldans slóð, í forgönguspor hver þeir níðandi tráðu."

Það er ekkert nýtt undir sólinni.

 

Davíð: Mesta furða hvað krónan hefur dugað

Enn hriktir í stoðum stóriðjunnar

Alltaf endurtekur sagan sig.    Það var alveg sama sagan þegar taka átti upp bílbelti og gera að staðalbúnaði.    Þá litu bílaframleiðendur á það sem viðurkenningu af sinni hálfu að bílarnir þeirra væru ekki nógu öruggir.  Og það kom ekki til greina.

  Það má alltaf hafa áhyggjur af öllu.    En það er nú bara þannig að ef einar dyr lokast opnast aðrar annars staðar.  

Það þarf nú að leggja höfuðið í bleyti og reyna að finna leiðir til að draga úr mengun.  

 Ég er mjög hrifinn af hybride framlaginu og vildi gjarnan sjá stjórnvöld taka við sér og létta á tollaálögum til að gera landsmönnum kleift að nýta sér góða kosti til viðbótar við þá sem fyrir eru. Það eru lægri tollar á rafmagnsbílum og hybride ætti að falla undir sama hatt a.m.k. að hluta til.  

 Stjórnvöld meiga einnig gjarnan hækka aftur tolla á þungu bensínhákana sem þeir voru svo vinsamlegir að lækka fyrir nokkrum árum síðan. 

Þetta eru góð tíðindi.

Er nokkuð nýtt undir sólinni?

Bílaframleiðendur lítt hrifnir af stefnu ESB

Ábyrgð lækna

Það er gleðilegt að verið sé að taka fyrir tveggja ára gömul mál, loksins.   Um réttindi og skyldur heilbrigðisstarfsfólks er minna fjallað en réttindi og skyldur sjúklinga.   Mest hefur fólk gaman af því að ræða réttindi sjúkinga og skyldur heilbrigðisstarfsfólks, einkum lækna.    Nú leiðist yfirlæknum að þurfa að axla í auknum mæli ábyrgð í því óstjórnarumhverfi sem færiband ríkisspítalanna býður þeimm uppá.    

Þannig að ef að einn yfirlæknir á að vera ábyrgur fyrir læknismeðferð sjúklings,  þýðir það bara eitt, að fjölga verði yfirlæknum. 

Það er vel því að allir vilja þeir jú vera yfirlæknar og þar fyrir utan vilja allir aðrir á spítölunum ráða yfir læknum.    Sjúklingar vilja ráða yfir mörgum sérfræðingum í mismunandi sérgreinum og tala þá um húðsjúkdómalækninn sinn sem lítur eftir líkþornunum og taugalæknirinn, hjartalæknirinn og lungnalæknirinn eiga allir sín líffæri.     Heimilislæknirinn sér svo um vottorðagerðina og leiðsögn um frumskóg tryggingakerfisins.    Á toppinum trónir svo sjúklingurinn einn með yfirsýnina og þar með ábyrgðina á eigin heilsu.   

 Hefur enginn heyrt talað um að of margir kokkar skemmi steikina?

Hér er ekkert nýtt undir sólinni.

Hjartað vinstra megin

Það er svosem ekkert gamanmál að verða veikur og ég vona svo sannarlega að hann sé ekkert alvarlega veikur, karl anginn. Hitt finnst mér þó athygli vert. Að ef hægra lungað er fallið, þá situr eftir það vinstra og heldur lífinu í honum enda er hjartað nú þegar öllu er á botninn hvolft, vinstra megin.

Batnandi mönnum er best að lifa

Hægra lunga Björns Bjarnasonar féll saman