Of gott til að vera satt

Þegar eitthvað er of gott til að vera satt er ekki ólíklegt að svo sé...

Það hagnast ekki allir á erlendum fjárfestingum. En hvað var maðurinn annars að halda að hann ætti frænda í Nigeriu sem ætlaði að arfleiða hann að öllum sínum eigum. Vonandi tók hann ekki yfirdráttarlán fyrir útborguninni.
Ef þið fáið svona bréf er um að gera að áframsenda þau á embætti ríkislögreglustjóra, hann heldur utan um svona mál. Ef svo ólíklega vildi til að um fjarskyldan ættingja væri að ræða er ekki ólíklegt að sá hinn sami hefði fyrir því að hafa samband við lögmann hérlendis til að fara með umboð sitt.

Það er ekkert nýtt undir sólinni.

Töpuðu tugum milljóna til svindlara

Athugasemdir

[Alda (IP-tala skráð) 3.2.2007 kl. 00:51]

Ég var í eitt ár í Ghana fyrir mörgum árum, fólk í Ghana segir það góðan sið að eftir að búið er að heilsa fólki frá Nígeríu með handabandi þá sé gott að telja fingur handarinnar. Svona trikk eru svo algeng í Nígeríu að það er fyndið og allir þekkja þau þar, auk þess sem Nígeríumenn eru alræmdir fyrir svona fjármálasvik. Það sem er of gott til að vera satt er líklegast lygi, já og muna svo að tékka hvort puttarnir eru á sínum stað. Kv Alda